کۆنفرانسی گۆڕان نەگەیشتە هیچ ئەنجامێک و هەڵپەسێردرا

ئاڤا نیوز

دوای ئەوەی لە کۆنفرانسی ئەمڕۆی هەردوو باڵەکەی بزووتنەوەی گۆڕان [گردی زەرگەتە و گەڕەکی کوردسات] گرژی و ئاڵۆزی دروستبوو، کۆمیسیۆن کارەکانی کۆنفرانسی هەڵپەسارد و دواتر بڕیاری کۆتایی لەبارەوە دەدات.

وێنە گەورەكە: ئەمڕۆ شەممە 24-5-2025، كۆنفڕانسی نیشتمانیی هاوبەشی دوو ئاراستە جیاوازەكەی گۆڕان لە شاری سلێمانی بەڕێوەچوو، بەڵام بەهۆی گرژی و ئاڵۆزییەوە کۆنفرانس تەواو نەکرا و کۆمیسیۆنیش کۆنفرانسەکەی هەڵپەسارد.

زانیاریی پەیامنێر: چۆمان مەحموود، پەیامنێری ئاڤا میدیا ڕایگەیاند، بەهۆی ناکۆکی هەردوو باڵەکە، کۆنفرانسی گۆڕان نەگەیشتە هیچ ئەنجامێک و کۆمیسیۆن هەڵیپەسارد، دوایی بڕیاری کۆتایی دەدات.

هۆکارە زانراوەکان: هەردوو باڵەکە یەکدی بە لادان لە دەستوور و ڕێبازی نەوشیروان مستەفا تۆمەتبار دەکەن و ناکۆکییەکان لێرەوە سەریان هەڵدا کە دەڵێن، بەپێی دەستوورەکەیان نابێت لە کۆنفرانس ڕێکخەر هەڵبژێردرێت، ئاراستەکەی دیکە دەڵێن، مەرجی کۆمیسیۆنە رێکخەر هەڵبژێردرێت.

ئەوەی پێویستە بیزانیت: بە گوێرەی دەستووری ناوخۆی گۆڕان، بزووتنەوەکە پێکدێت لە خانەی راپەڕاندن، جڤاتی نیشتمانی، جڤاتی گشتیی، ژوورەکان، فراکسیۆنەکانیان لە پەرلەمان و ئەنجوومەنی پارێزگاکان، ئەنجوومەنی قەزاکان و تیمی گۆڕان لە حکومەت.