ئەمشەو لیستی مووچەی مانگی پێنج ڕەوانەی بەغدا دەکرێت

ئاڤا نیوز

بەرپرسێکی ئاگادار لە وەزارەتی دارایی کوردستان بە ئاڤای وت،  ئەمشەو لیستی مووچە ڕەوانەی بەغدا دەکرێت و سبەی یەکشەممە ڕادەستی وەزارەتی دارایی عێراق دەکرێت. ئیتر وردبینیکردن لە لیستی مووچە دەستپێدەکات و چەند ڕۆژێک دەخایەنێت.

وێنە گەورەکە: هەوڵەکان بەو ئاراستەیەن کە پێش 6 ـی 6، کە پێشبینی دەکرێت یەکەم ڕۆژی جەژنی قوربان بێت، پارەی مووچە بنێردرێت و دەست بە دابەشکردنی بکرێت، بەڵام ناردنی پارە دەگەڕێتەوە سەر بەغدا، ئایا زوو دەینێرن یان هاوشێوەی مانگی ڕابردوو بێ هۆکار دوا دەکەوێت.

لەلایەکی دیکەوە:  د. عەبدولحەکیم خەسرۆ، سەرۆکی فەرمانگەی هەماهەنگی و بەدواداچوون بە ئاڤای ڕاگەیاند، لسیتی مووچە  هیچ گرفتێکی تەکنیکی نییە، ئەگەر هەر گرفتێکی دیکە دروست بکرێت ئەوا تەکنیکی نییە، بەڵکو شتێکی دیکەیە.

زانیاریی زیاتر: لەبارەی وادەی دابەشکردنی مووچەش د. .عەبدولحەکیم خەسرۆ گوتی: پلانی حکومەتی عێراق ئەوەیە پێش جەژن مووچەی هەموو فەرمانبەران دابەش بکات بە هەرێمی کوردستانیشەوە.