باڵیۆزی ئەمریکا لە تورکیا: ئامانج لە هەڵگرتنی سزاکانی سەر سووریا تێکشکاندنی هەمیشەیی داعشـە

ئاڤا نیوز

 

سەرۆککۆماری سووریا و وەزیری دەرەوەی وڵاتەکە لەگەڵ نێردەی تایبەتی سەرۆکی ئەمریکا بۆ سووریا لە تورکیا کۆبوونەوە و تاوتوێی جێبەجێکردنی بڕیارەکەی ئەمریکایان بۆ هەڵگرتنی سزا ئابوورییەکانی سەر وڵاتەکە کرد.

 

وێنە گەورەکە: دوێنی شەممە 24-5-2025، تۆم باراك، باڵیۆزی ئەمریکا لە تورکیا و نێردەی تایبەتی دۆناڵد ترەمپ بۆ سووریا، لەگەڵ سەرۆککۆماری سووریا لە تورکیا کۆبوونەوە هەردوولا تاوتوێی جێبەجێکردنی بڕیارەکەی دۆناڵد ترەمپ، سەرۆکی ئەمریکایان کرد بۆ هەڵگرتنی سزا ئابوورییەکانی سەر وڵاتەکە. 

 

لێدوانی فەرمی: تۆم باراك له‌ تۆڕی كۆمه‌ڵایه‌تیی (ئێكس) ڕایگه‌یاند، هه‌ڵگرتنی سزا ئابوورییه‌كانی سه‌ر سووریا لەلایه‌ن سه‌رۆكی ئه‌مریكاوه‌، ده‌بێته‌هۆی تێكشكاندنی تەواوەتی ڕێكخراوی تیرۆریستی داعش به‌تایبه‌تی له‌و وڵاته بۆ هەمیشە.

 

زانیاریی زیاتر: ئەمە لە کاتێکدایە، ده‌زگا ڕاگه‌یاندنه‌كانی سووریا بڵاویانكرده‌وه‌، تۆم باراك، نێرده‌ی تایبه‌تی دۆناڵد تره‌مپ بۆ سووریا، له‌م هه‌فته‌یه‌دا سه‌ردانی دیمه‌شق ده‌كات و له‌گه‌ڵ ئه‌حمه‌د شه‌رع، سەرۆککۆماری سووریا و  وه‌زیری ده‌ره‌وه‌ی وڵاته‌کە كۆده‌بێته‌وە.

 

بۆچی گرنگە: دوای بڕیاری هەڵگرتنی سزاکانی سەر سووریا لەلایەن ترەمپەوە لە میانەی گەشتەکەی بۆ سعودییە، دوای دوو هەفتە لە بڕیارەکە دواجار وەزارەتی گەنجینەی ئەو وڵاتە بەفەرمی بڕیاری هەڵگرتنی سزاکانی سەر دیمەشقی خستە بواری جێبەجێکردنەوە. ئەمەش یەکەم سەردانی بەرپرسێکی ئیدارەی ئەمریکایە کە سەردانی سووریا دەکات.