ئەمریکا پێشنیازی 'ڕێککەوتنی سەرەتایی' پێشکەش بە ئێران دەکات

ئاڤا نیوز

 

بەرپرسێکی ئەمریکی ئاشکرای دەکات ئیدارەی ترەمپ بیر لە سووککردنی سزاکانی تاران دەکاتەوە لە چوارچێوەی 'رێککەوتنی سەرەتایی'.

 

زانیاریی بەدەستهاتوو: بەرپرسێکی ئەمریکی بە میدیاکانی ئیسرائیلی ڕاگەیاندووە، واشنتن پێشنیازێکی نوێی پێشکەش بە ئێران کردووە وەک هەنگاوێک بۆ ڕێککەوتنی سەرەتایی، بەڵام  لەگەڵ ئەوەشدا ئەمریکا دەستبەرداریی مەرجەکەی نابێت بۆ وەستاندنی پیتاندنی یۆرانیۆم لەلایەن ئێرانەوە.

 

ئەوەی پێویستە بیزانیت: لە ڕێککەوتنەکەدا ئیدارەی دۆناڵد ترەمپ، بەشێک لە  سزاکانی سەر ئێران سووک دەکات و لە بەرامبەردا دەبێت ئامادەیی خۆی نیشان بدات بۆ وازهێنان لە  بەدەستهێنانی چەکی ئەتۆمی. 
  

لەلایەکی دیکەوە: ئیبراهیم ڕەزایی، وتەبێژی لیژنەی ئاسایشی نیشتمانی و سیاسەتی دەرەوەی پەرلەمانی ئێران ڕایگەیاند، ئەگەر ئامانجی واشنتن ڕێگریکردن بێت لە بەدەستهێنانی چەکی ئەتۆمی لەلایەن ئێرانەوە دەکرێت ڕێککەوتنێک بکرێت، بەڵام ئەگەر ئامانجی ئەمریکا ڕێگریکردن بێت لە پیتاندنی یۆرانیۆم لەلایەن ئێرانەوە ئەوا ناگەین بە هیچ ڕێککەوتنێک.

 

زانیاریی زیاتر: ئێران رایگەیاند لە ئەگەری شکستهێنانی دانوستانەکانیان لەگەڵ ئەمریکا پلانی یەدەگیان ئامادەیە.