سوپای ئیسرائیل ئۆپەراسیۆنە زەمینییەکانی لە غەززە فراوانتر دەکات

ئاڤا نیوز

 

سەرەڕای خراپتربوونی دۆخی کەرتی غەززە، سوپای ئیسرائیل ئۆپەراسیۆنە زەمینییەکانی لەو کەرتە فراوانتر دەکات.

 

وێنە گەورەکە: لەگەڵ ئەوەی بەدخۆراکی و کەمی خۆراک و دەرمان لە کەرتی غەززە ڕووی لە زیادبوون کردووە، سوپای ئیسرائیل ڕۆژی یەکشەممە 2-5-2025، بڕیاری فراوانکردن و چرکردنەوەی ئۆپەراسیۆنە زەمینییەکانی لەو کەرتە خستە بواری جێبەجێکردنەوە.

 

ڕاگەیێنراوی فەرمی: سوپای ئیسرائیل لە بەیاننامەیەکدا ڕایگەیاند: سەرجەم لیواکانی پیادەی ئاسایی و زرێپۆشی سوپای ئیسرائیل لە ناو کەرتی غەززە جێگیرکراون و هێرشەکانیان بەرفراوان کردووە.

 

لەلایەکی دیکەوە: سەرچاوە پزیشکییەکانی کەرتی غەززە ڕایانگەیاند: بەهۆی بەدخۆراکی و کەمی خۆراک و پێداویستییەوە تائێستا 57 کەس  لە کەرتی غەززە گیانیان لەدەست داوە، هاوکات سەرچاوەکان ئەوەشیان ئاشکرا کردووە، تەنیا 100 بارهەڵگری فریاگوزاری چوونەتە ناو غەززە، کە دەکاتە 1%ی پێداویستییە سەرەتاییەکانی دانیشتووانی غەززە.