ئەمریکا کار بۆ دۆزینەوەی هاووڵاتییە ونبووەکانی لە سووریا دەکات

ئاڤا نیوز

 

ئەمریکا بە هاوبەشی لەگەڵ دەسەڵاتدارانی نوێی سووریا ڕێککەوتوون لەسەر کارکردن بۆ دۆزینەوە و گەڕاندنەوەی ئەو ئەمریکییانەی لەو وڵاتەدا لەمیانەی جەنگدا ونبوون.

 

بڵاوکراوەی فەرمی: تۆم باراک، نێردەی تایبەتی ئەمریکا بۆ کاروباری سووریا لە تۆڕی کۆمەڵایەتیی ئێکس نووسیویەتی، "حکومەتی نوێی سووریا ڕەزامەندی دەربڕیووە لەسەر هاوکاریکردنی ئەمریکا لە دۆزینەوە و گەڕاندنەوەی هاوڵاتییانی. 

 

بۆچی گرنگە: بەهۆی شەڕی ناوخۆیی سووریا، چەندین هاووڵاتی ئەمریکیی لە وڵاتەکەدا ونبوون، بۆیە ئیدارەی نوێی ئەمریکا بە هەماهەنگی لەگەڵ حکومەتی سووریا هەوڵی گەڕاندنەوەیان دەدات، لەوانەش ئوستن تایز کە ڕۆژنامەنووسێكی ئەمریکی بوو لەمیانەی ڕووماڵکردنی شەڕ ونبووە، ماجد کەمالما،ز  چارەسەرکاری دەروونی سووری-ئەمریکی و  کایلا مۆلەر، چالاکوانی مافی مرۆڤی ئەمریکی، ئەمانە لەو کاتەوە شوێنیان دیار نییە.

 

ئەمەش بزانە: تۆم باراک کە ئێستا باڵیۆزی ئەمریکایە لە تورکیا، وەک نێردەی تایبەتی واشنتن بۆ سووریا دەستنیشان کراوە، بڕیارە لەم هەفتەیەدا سەردانی سووریا بکات و دیدار و کۆبوونەوەی لەگەڵ ئەحمەد شەرع و ئەسعەد شەیبانی هەبێت.