كێشەی نەخوێندنەوەی پەنجەمۆری دەنگدەران چارەسەر دەکرێت

ئاڤا نیوز

 

کۆمیسیۆنی باڵای سەربەخۆی هەڵبژاردنەکان، کێشەی ئەو دەنگدەرانە چارەسەر دەکات کە گرفتی نەخوێندنەوەی پەنجەمۆریان هەیە.

چیرۆکی سەرەکی: لە هەڵبژاردنی ئەنجوومەنی نوێنەرانی عێراق کە بڕیارە 11ی تشرینی دووەمی ئەمساڵ بەڕێوەبچێت، کۆمیسیۆن ئامێرێکی تایبەت بەکاردەهێنێت کە لەبری پەنجەمۆر دەتوانرێت ڕووخساری کەسی دەنگدەر بناسێتەوە.

لێدوانی فەرمی: نەبەرد عومەر، بەرپرسی دەستەی هەڵبژاردنەکانی هەرێمی کوردستان لە کۆمیسیۆنی باڵای هەڵبژاردنەکانی عێراق بە ئاڤای گوت: ئەو دەنگدەرانەی گرفتی پەنجەمۆر ناخوێندنەوەیان هەیە، دەتوانن سەردانی بنکەکانی تۆماری دەنگدەران بکەن بۆ ئەوەی وێنەی ڕووخساریان وەربگیرێت.

بۆچی گرنگە: بەجێبەجێکردنی ئەم ڕێکارە هیچ دەنگدەرێک بەهۆی کێشەی نەخوێندنەوەی پەنجەمۆر لە مافی دەنگدان بێبەش نابێت.

ئەوەی پیویستە بیزانیت: هاووڵاتییان دەتوانن تاوەکو 15/6/2025 سەردانی بنکەکانی تۆماری دەنگدەران بکەن بۆ نوێکردنەوەی زانیارییەکانیان، ئەو کەسانەش کە پەنجەمۆریان ناخوێنێتەوە دەتوانن لەو ماوەیە سەردانی ئەو بنکانە بکەن و وێنەی ڕووخساریان وەربگیرێت.