ترەمپ دەیەوێت بەزووترین کات کۆتایی بە شەڕی غەززە بهێنێت

ئاڤا نیوز

لەبارەی شەڕی غەززە، سەرۆکی ئەمریکا ئاشکرای دەکات دەیەوێت بەزووترین کات ئەم جەنگە ڕابگرێت و  کۆتایی پێبێت.

چیرۆکی سەرەکی: ماوەی سێ ساڵە شەڕی ئیسرائیل و چەکدارانی بزووتنەوەی حەماس لە کەرتی غەززە بەردەوامە و تا ئێستا بە هەزاران کەس کوژراون و بریندار بوون، هەوڵەکانیش بۆ ڕاگرتنی ئەو شەڕە و ڕاگەیاندنی ئاگربەست بەردەوامن.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، هیوادارم بەمزووانە هەواڵێکی خۆش هەبێت، لەگەڵ  ئیسرائیل قسەمان کردووە، و دەمانەوێت بزانین ئایا دەتوانین بە خێرایی هەموو ئەو دۆخە ڕابگرین.

زانیاریی بەدەستهاتوو: سەرچاوەیەک بۆ سکای نیوزی عەرەبی ئاشکرای کردووە، چاوەڕوانی دەکرێت ترەمپ لە ماوەی چەند ڕۆژێکدا ئاگربەست لە غەززە ڕابگەیەنێت، ئەم هەنگاوە لە چوارچێوەی ڕێککەوتنێکدا دێت کە ئازادکردنی بارمتە ئیسرائیلییەکان لەخۆدەگرێت.

کاریگەری و لێکەوتەکان: ئەم لێدوانەی ترەمپ لە کاتێکدایە کە سوپای ئیسرائیل سەرجەم لیواکانی پیادەی ئاسایی و زرێپۆشی لە ناو کەرتی غەززە جێگیرکردووە و هێرشەکانیان بەرفراوان کردووە، بەمەش ئۆپەرایسیۆنەکانی شەڕ فراوانتر دەکرێن.