داواکارییەکانی یەکێتی لە پارتی گۆڕانکاریی بەسەردا دێت

ئاڤا نیوز

سەبارەت بە پێکهینانی کابینەی دەیەمی حکومەتی هەرێمی کوردستان، گۆڕانکاریی نوێ و پێشهاتی تازە لە نێوان پارتی و یەکێتیدا هەیە و بە گوتەی قوباد تاڵەبانی، یەکێتی گۆڕانکاریی لە داواکارییەکانی دەکات.

وێنە گەورەکە: پارتی و یەکێتی دوای زنجیرەیەک کۆبوونەوە بەمەبەستی پێکهێنانی کابینەی دەیەمی حکومەتی هەرێمی کوردستان، هێشتا نەگەیشتوون بە ڕێککەوتنی کۆتایی و لە داهاتوو کۆبوونەوەکانیان بەردەوام دەبن.

لێدوانی فەرمی:  قوباد تاڵەبانی، جێگری سەرۆکوەزیرانی هەرێمی کوردستان گوتی: ڕەنگە لە کۆبوونەوەی داهاتووی پارتی و یەکێتی سوپرایزمان هەبێت و گۆڕانکاریی لە داواکارییەکانمان بکەین.

لەلایەکی دیکەوە: بەرپرسێکی باڵای یەکێتی بە ئاڤای وت، داواکارییەکانی ئەمجارەی یەکێتی لە پارتی، لە پۆستە باڵاکان دەبێت.

زانیاریی بەدەستهاتوو: بە پێی زانیارییەکانی ئاڤا، ئێستا داواکارییەکانی یەکێتی ئەوە دەبێت کە واز لە پۆستی سەرۆکی هەرێم دەهێنن، لە بەرامبەردا داوای چەند وەزارەتێکی دیکە دەکەن.

ئەوەی پێویستە بیزانیت: لیستی داواکارییەکانی یەکێتی ئەمانە بوون:

پۆستی سەرۆکی هەرێمی کوردستان.

جێگری سەرۆکی حکومەتی هەرێمی کوردستان.

جێگری سەرۆکی پەرلەمانی کوردستان.

پۆستی وەزارەتەکانی، ناوخۆ، شارەوانی، تەندروستی، سامانە سرووشتییەکان و کار و کاروباری کۆمەڵایەتی، لەگەڵ چەند وەزارەتێکی خزمەتگوزاریش.