تەوەری کۆبوونەوەکەی سبەی ئەنجوومەنی وەزیران ئاشکرا کرا

ئاڤا نیوز

 

کۆبوونەوەی ئەنجوومەنی وەزیران بە ئامادەبوونی سەرۆکوەزیران مەسرور بارزانی بەڕێوەدەچێت و تەوەری سەرەکی کۆبوونەوەکەش خستنەڕووی دەرئەنجامی سەردانی شاندی هەرێمی کوردستانە بۆ ئەمریکا. 

 

وێنە گەورەکە: سەرۆکوەزیران مەسرور بارزانی، بە سەردانێکی فەرمی و بانگهێشتی حکومەتی ئەمریکا، بە سەرۆکایەتی شاندێکی باڵا لە ڕۆژی 2025.5.17 گەیشتە واشنتن. ئەم سەردانە وەک قۆناغێکی نوێ لە پەیوەندییەکانی هەرێمی کوردستان و ئەمریکا دانرا، جیا لە گرێبەستە ملیارییەکان زنجیرەیەک کۆبوونەوەی گرنگ لەسەر ئاستی باڵا ئەنجامدران و کاردانەوەکانیش لە ناوخۆ دەرەوە ئەرێنی بوون. 

 

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان ڕایگەیاند، سبەی سەرۆکوەزیران مەسرور بارزانی لە کۆبوونەوەی ئەنجوومەنی وەزیران باسی دەرئەنجامی سەردانەکەی دەکات بۆ ئەمەریکا.

 

زانیاریی بەدەستهاتوو: بە گوێرەی زانیارییەکانی ئاڤا جیا لە تاوتوێکردنی ئەو بابەتە، چەند پرسێکی پەیوەست بە ئێستای هەرێمی کوردستان تاوتوێ دەکرێن.