56 ساڵ بەسەر بەپارێزگابوونی دهۆک تێپەڕ دەبێت

ئاڤا نیوز

 

ئەمڕۆ 56 ساڵ بەسەر بەپارێزگابوونی دهۆک تێپەڕ دەبێت. لە ماوەی تەمەنی کابینەی نۆیەمی حکومەتی هەرێمی کوردستانیشدا، پارێزگای دهۆک گەشانەوەیەکی بەرچاوی لەڕووی پڕۆژە خزمەتگوزارییەکان بەخۆیەوە بینیووە.

 

وێنە گەورەکە: ڕۆژی 27-5-1969، دهۆک فەرمانی بەپارێزگابوونی بۆ دەرچووە و ئێستا وەک یەکێک لە پێگە گرنگە گەشتیاری و  بازرگانییەکانی کوردستان و عێراق سەیر دەکرێت.

 

لێدوانی فەرمی: ماجید سەید ساڵح، جێگری پارێزگاری دهۆک بە ئاڤا میدیای وت، لە کابینەی نۆیەمی حکومەتی هەرێمی کوردستان تەنیا لە ماوەی چوار ساڵدا 1154 پڕۆژە جێبەجێ کراون و گوژمەی پڕۆژەکان سێ ترلیۆن و 195 ملیار دینار بووە. 

 

ئەوەی پێویستە بیزانیت: بڕیارە ئەمڕۆ لە پارکی نەورۆز ئاهەنگێکی گەورە بەبۆنەی 56 ساڵەی بەپارێزگابوونی دهۆک بەڕێوە بچێت، چەندین چالاکیی هونەری گۆرانی و میوزیک و مەراسیمی خەڵاتی تیا ئەنجام دەدرێت.

باکگراوند: بەشی باکووری پارێزگای دهۆک دەکەوێتە نێوان زنجیرە چیای سپی و بەشی باشووریشی دەکەوێتە نێوان زنجیرە چیای ڕەش یان شندۆخا. پارێزگای دهۆک لە ڕووی کارگێڕییەوە جگە لە ئیدارەی سەربەخۆی زاخۆ، هەریەکە لە قەزاکانی سێمێل، شێخان، ئامێدی و بەردەڕەش و 71 گوند لەخۆ دەگرێت.