لە دەربەندیخان دەست بەسەر کۆمەڵێک تەقەمەنیدا دەگیرێت

ئاڤا نیوز

قایمقامی قەزای دەربەندیخان پشتڕاستی دەکاتەوە، کە لەلایەن هێزە ئەمنییەکانەوە دەست بەسەر کۆمەڵێک تەقەمەنیدا گیراوە.

چیرۆکی سەرەکی: ئەمڕۆ چوارشەممە، لە ماڵێکی گەڕەکی خێڵان لە قەزای دەربەندیخان، دەست بەسەر بڕێکی زۆر چەک و تەقەمەنی دا گیراوە، لە نێو تەقەمەنییەکاندا جۆری TNT و نارنجۆک، لوغم، دەرمان، کلاشینکۆف و دەمانچە، هەروەها سێ کەسیش بەوهۆیەوە دەستگیرکراون.

لێدوانی فەرمی: سلێمان محەممەد، قایمقامی قەزای دەربەندیخان، بە ئاڤا میدیای ڕاگەیاند: ئەم بابەتە ڕاستە، دەست بەسەر کۆمەڵێک چەک و تەقەمەنیدا گیراوە، بەڵام هێشتا ڕوون نەبووەتەوە کە ئەو کەسانە ویستوویانە کڕین و فرۆشتن، یا قاچاخچێتی، یا بۆ تووندوتیژی ئەو تەقەمەنیانە بەکاربهێنن.

زانیاریی زیاتر: بە وتەی قایمقامی دەربەندیخان، سێ کەس بە تۆمەتی ئەو تەقەمەنیانە دەستگیرکراون، هەروەها لێکۆڵینەوەش لە بابەتەکە بەردەوامە.