دامەزراندن بۆ سەر سندووقەکانی دەنگدان دەستپێدەكات

ئاڤا نیوز 

 

لە 3ی مانگی داهاتوو، کۆمیسیۆنی هەڵبژاردنەکانی عێراق دەرگای خۆتۆمارکردن بۆ چاودێریکردنی سندووقەکانی دەنگدان لە هەڵبژاردنی داهاتووی پەرلەمانی عێراق دەکاتەوە.

وێنە گەورەکە: کۆمیسیۆنی سەربەخۆی هەڵبژاردنەکان ڕۆژی 2025.11.11 دیارییکردووە بۆ ئەنجامدانی هەڵبژاردنی خولی شەشەمی پەرلەمانی عێراق.

لێدوانی فەرمی: جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق بە ئاڤا میدیای ڕاگەیاند: ڕۆژی سێشەممە 2025-06-03، خۆتۆمارکردنی کارمەندانی سەر سندووقەکانی دەنگدان بۆ هەڵبژاردنی داهاتووی پەرلەمانی عێراق دەستپێدەکات.

 

زانیاریی زیاتر: بە وتەی غەلای، فەرمانبەرانی حکومی، دەرچووان و خوێندکارانی پەیمانگە و زانکۆکان و خاوەن بڕوانامە باڵاکان دەتوانن ناوی خۆیان بۆ چاودێکردنی سندووقەکانی دەنگدان تۆمار بکەن.

ئەوەی پێویستە بیزانیت: 20ی ئەم مانگە، کۆمسیۆن لیژنەیەکی ناوەندیی بۆ هەڵبژاردنی کارمەندانی دەنگدان بۆ هەڵبژاردنی پەرلەمانی عێراق پێکهێنا، لیژنەکە دیاریکردنی میکانیزمی هەڵبژاردنی کارمەندانی سەر سندووقەکانی دەنگدان پێ ڕاسپێراوە.