ئێران مەرجی ڕێککەوتن لەگەڵ ئەمریکا ئاشکرا دەکات

ئاڤا نیوز

ئاژانسی ڕۆیتەرز له‌ زاری سه‌رچاوه‌یەکی ئێرانی مەرجەکانی ئێران بۆ ڕێککەوتن ئاشكرا دەکات و دەڵێت، لە بەرامبەر هەڵگرتنی سزاکان لەسەر سەروەت و سامانە بلۆکراوەکانیان، ڕەنگە ئێران ڕازی بێت بە ڕاگرتنی پیتاندنی یۆرانیۆم.

وێنە گەورەکە: ئەمریکا و ئێران لە مانگی نیسانی ئەمساڵەوە تاوەکو ئێستا پێنج گەڕی دانوستانی ناڕاستەوخۆیان لە عومان و ڕۆما بە نێوەندگیری عومان کردووە و هەردوولاش گەشبینین بەوەی دەگەنە ڕێککەوتن، سەرەڕای بوونی چەندین بیروڕای جیاواز لەنێوانیان.

زانیاریی بەدەستهاتوو: ئاژانسی ڕۆیته‌رز له‌ دوو سه‌رچاوه‌ی فه‌رمی ئێرانی کە نزیکن له‌ شاندی دانوستانەکان بڵاویكرده‌وه‌، لەوانەیە له‌گه‌ڵ ئه‌مریکا ڕێکبكه‌ون ئه‌گه‌ر واشنتن مه‌رجه‌كانی تاران قبووڵ بكات، کە ڕێگە دانە بە مامەڵەکردن بە سامانە بلۆکراوەکانی، تاران پیتاندنی یۆرانیۆم هه‌ڵده‌په‌سێرێت، ئه‌گه‌ر واشنتن ڕێگە بدات بۆ مەبەستی مەدەنی بەکاری بهێنێت.  

لەلایەکی دیکەوە: ئەمریکا پێداگرە لەسەر ڕاگرتنی پیتاندنی یۆرانیۆم لەلایەن ئێرانەوە و بەمەرجی سەرەکی گەیشتن بە ڕێککەوتنێکی گشتگیر دایدەنێت، پێشتریش ستیڤ ویتکۆف، نێردەی تایبەتی دۆناڵد ترەمپ، سەرۆکی ئەمریکا بۆ ڕۆژهەڵاتی ناوەڕاست وتی، واشنتن ڕێگە نادات تاران تەنانەت 1%ـی توانای  پیتاندنی یۆرانیۆمی هەبێت و بە هێڵی سووری دەزانێت.