لە نەخۆشخانەیەکی بەسڕه قوڕاو جێگەی ئاوی خاوێن دەگرێتەوە

ئاڤا نیوز

 

بەهۆی کەمی خزمەتگوزارییەوە لە نەخۆشخانەیەکی حکومی پارێزگای بەسڕە لەجیاتی ئاوی خاوێن، ئاو قوڕاو لە بەلووعەکان دێتە خوارەوە، کارگێری نەخۆشخانەکەش هۆکارەکەی ئاشکرا دەدات. 

 

چیرۆکی سەرەکی: گرتە ڤیدیۆیەک لە تۆڕە کۆمەڵایەتییەکان بڵاوبووەتەوە، لە بەلووعەی نەخۆشخانەی سەیابی حکومی لەشاری بەسڕە لەبری دابەشکردنی ئاوی خاوێن، ئاو قوڕاو دێتەخوارەوە،  ئەمەش لەکاتێکدایە ئەو نەخۆشخانەیە چەندین جار بودجەی زەبەلاحی بۆ خەرج کراوە و نۆژەن کراوەتەوە. 

 

لێدوانی فەرمی: یەکێک لە چارەخوازان گرتە ڤیدیۆیەکی بڵاوکردووەتەوە و باس لەوە دەکات: "من لە دوێنی شەوەوە لەم نەخۆشخانەیەم، ئەمە حاڵی ئاوەکەیەتی لەبری ئاوی خاوێن، قوڕاو دێتەخوارەوە و ئاوی خوواردنەوەش هەر نییە.

 

- ئەو چارەخوازە باسی لەوەشکردووە کە لە دوای یازدەی شەوەوە تاوەکو حەوتی بەیانی هیچ دکتۆرێک لەو نەخۆشخانەیە نامێنێت. 

 

لەلایەکی دیکەوە: دوای بڵاوبوونەوەی گرتە ڤیدیۆکە، ئیدارەی نەخۆشخانەکە لە بەیاننامەیەکدا ڕوونکردنەوە دەدات ڕایدەگەیەنێت، هۆکاری ئەو قوڕاوە پاککردنەوەی بەلوعەکان بووە.