ئیسرائیل بۆردوومانی چەند پێگەیەک لە سووریا دەکات

ئاڤا نیوز

ئیسرائیل چەند پێگەیەکی سەربازی لە چەند ناوچەیەکی سووریا دەکاتە ئامانج و دەڵێت، هەڕەشە بوون بۆمان.

چیرۆکی سەرەکی: دوای مانگێک، جارێکی دیکە سوپای ئیسرائیل هێرشە دەکاتە سەر سووریا. ئەوەش دوای ئەوە دێت کە سووریا لەم مانگەدا دانوستانی ناڕاستەوخۆی لەگەڵ ئیسرائیل بۆ کۆنتڕۆڵکردنی دۆخەکە ڕاگەیاندبوو.

زانیاریی بەدەستهاتوو: بەگوێرەی میدیاکانی ناوخۆی سووریا، ئیسرائیل بۆردوومانی گوندی زامای کرد لە ڕیفی جەبلە لە باشووری پارێزگای لازقیە، هاوکات لیوای 107ـی هێزی چەکداریی سووریا کراوەتە ئامانج هەروەها هێرشی مووشەکی کراوەتە سەر ڕیفی تەرتووس.

لەلایەکی دیکەوە: سوپای ئیسرائیل ڕاگەیاند: چەندی کۆگایەکی چەکمان لە لازقیە لە سووریا کردە ئامانج کە هەڕەشە بوو بۆ سەر کەشتیە دەریاییەکانمان.