سعودییە: زیاتر لە ملیۆنێک و 300 هەزار حەجخواز گەیشتوونەتە وڵات

ئاڤا نیوز

بەڕێوەبەرایەتیی گشتیی پاسپۆرتی سعودییە ڕایدەگەیێنێت، زیاتر لە ملیۆنێک و 300 هەزار حەجخواز لەڕێگەی سەرجەم دەروازەکانەوە گەیشتوونەتە شانشینی سعودییە.

 

وێنە گەورەکە: ساڵانی لە وەرزی حەج بە هەزاران حەجخواز لە زۆربەی وڵاتانی جیهانەوە، بە مەبەستی بەجێهێنانی فەریزەی حەج کە یەکێکە لە ئەرکانەکانی ئیسلام، سەردانی شانشینی سعودییە دەکەن.

 

ڕاگەیێنراوی فەرمی: بەگوێرەی ڕاگەیێنراوی بەڕێوەبەرایەتی گشتیی پاسپۆرتی سعودییە، "ژمارەی ئەو حەجخوازانەی لە دەرەوەی شانشینی سعودییەوە لە ڕێگەی ئاسمانییەوە هاتوونەتە نێو وڵات ژمارەیان ملیۆنێک و 260 هەزار و 874 حەجخواز دەبێت، کە گەورەترین ڕێژەیە لە کۆی ژمارەی ئەو حەجخوازانەی لە دەرەوەی وڵاتەوە هاتوون، ئەمەش لەبەر ڕۆشنایی ئەو هەوڵانەی لە فڕۆکەخانە نێودەوڵەتییەکان دراوە بۆ ئاسانکاری بۆ ڕێکارەکانی چوون و هاتنە ناوەوە".

 

لەلایەکی دیکەوە: ژمارەی ئەو حەجخوازانەی لە ڕێگەی دەروازە وشکانییەکانەوە هاتوونەتە ناو شانشینی سعودییە، گەیشتووەتە 64 هەزار و 883 حەجخواز و لە ڕێگەی بەندەرە ئاوییەکانیشەوە پێنج هەزار و 88 حەجخواز پێشوازییان لێکراوە.

 

ئەوەی پێویستە بیزانیت: ئەمساڵ لە هەرێمی کوردستان، پێنج هەزار و 136 حەجخواز گەشتی سعودییەیان کردووە، لەو ژمارەیە هەزار و 440 کەسیان بەڕێگای وشکانی بووە.