دۆخی ناوچەیەکی بەسڕە لە لێواری تەقینەوەدایە

ئاڤا نیوز

 

بەهۆی پیسبوونی ژینگەی ناوچەکەیان، دانیشتووانی باکووری بەسڕە دوا هۆشداری بەحکومەت دەدەن و دەڵێن" دۆخەکە لە لێواری تەقینەوەدایە ".

 

چیرۆکی سەرەکی: دانیشتووانی باکووری بەسڕە کۆمپانیا نەوتییەکان بە فڕێدانی پاشماوەی كاركردنیان بۆ نێو ڕووبار و ناوچە کشتوکاڵییەکان تۆمەتبار دەکەن، ئەمەش زیاتر لە جارێك ناڕەزایی هاووڵاتییانی لێکەوتووەتەوە .

 

لێدوانی فەرمی: شێخ هەیسەم مەنسووری، سەرۆکی بزووتنەوەی جەماوەری باکووری بەسڕە، ڕایگەیاند: جگە لە دەردانی گاز و دوکەڵی کۆمپانیاکانی نەوت کە لە دەرەوەی ستاندارد و ڕێنماییەکان کاردەکەن، سەرجەم پاشماوەی كاركردنیان فڕێدەدەنە نێو ڕووبار و ناوچە کشتوکاڵییەکان، ئەمەش بووەتە هۆی پیسبوونی تەواوی ئاو و هەوای ناوچەکەیان . 

 

زانیاریی زیاتر: شێخ مەنسووری، ئاماژەی بەوەشکرد چەندین جار حکومەت و لایەنی پەیوەندیداریان لە دۆخی ناوچەکەیان ئاگادارکردووەتەوە و چیتر لەمەودوا خەڵکی بەرگەی پشتگوێخستنی حکومەت ناگرن و دۆخەکە لە لێواری تەقینەوەدایە.