بایدن دوای تووشبوونی بە شێرپەنجە: هەست بە باشی دەکەم

ئاڤا نیوز

 

جۆ بایدن، سەرۆکی پێشووی ئەمریکا وەک یەکەم لێدوان دوای تووشبوونی بە نەخۆشی شێرپەنجە بە ڕۆژنامەنووسانی ڕاگەیاند: کە هەست بە گەشبینی دەکات سەبارەت بە دۆخی تەندروستیی خۆی.

 

چیرۆکی سەرەکی: ڕۆژی 19-5-2025، نووسینگەی جۆ بایدن، 46ـەمین سەرۆکی ئەمریکا ئاشکرای کرد، تووشی شێرپەنجەی پرۆستات بووە و لە قۆناغی پێنجەمدایە و ئێستا گوازراوەتەوە بۆ ئێسکەکانی.

 

لێدوانی فەرمی: جۆ بایدن، سەرۆکی پێشووی ئەمریکا ڕایگەیاند: نەخۆشییەکەم بۆ  هیچ ئەندامێکی دیکەم نە گوازراوەتەوە، و باشترین دکتۆری جیهان چارەسەرم بۆ دەکات، بۆیە گەشبینم سەبارەت بە دۆخی تەندروستیم و هەست بە باشی دەکەم.

 

باکگراوند: جۆ بایدن لە ساڵی 1942 لە پەنسێلێڤانیا لەدایکبووە، 46ـەمین سەرۆكی ویلایەتە یەكگرتووەكانی ئەمریکا بووە لە ماوەی ساڵانی 2021 بۆ 2025، بۆ ئەم خولەی سەرۆکایەتیی ئەمریکاش کاندید بوو، بەڵام دواتر کشایەوە، هاوکات بەتەمەنترین کەسە کە پۆستی سەرۆکایەتیی ئەمریکای وەرگرتبێت.