حەجخوازانی هەرێمی کوردستان گەیشتوونەتە شاری مەککە

ئاڤانیوز

بەڕێوەبەری گشتیی حەج و عومرەی هەرێمی کوردستان ڕایدەگەینێت، سەرجەم حەجخوازانی هەرێمی کوردستان گەیشتوونەتە شاری مەککە و سەلامەتن.

وێنە گەورەکە: بۆ بەجێهێنانی فەریزەی حەج، ئەمساڵ پێنج هەزار و 136 حەجخواز لە هەرێمی کوردستانەوە ڕوویان لە وڵاتی سعوودیە کردووە، هەزار و 646 حەجخواز بە ڕێگەی وشکانی و سێ هەزار و 490 حەجخواز بە ڕێگەی ئاسمانی گەشتەکەیان کردووە.

لێدوانی فەرمی: شێخ نیاز نەقشبەندی، بەڕێوەبەری گشتیی حەج و عومرەی هەرێمی کوردستان بە ئاڤای گوت، سەرجەم حەجخوازان گەیشتوونەتە شاری مەککە و پێداویستی و خزمەتگوزاری پێویستیان بۆ دابین کراوە.

- حەجخوازانی هەرێمی کوردستان سەلامەتن و هیچ حاڵەتێکی نەخوازراو ڕووینەداوە، ڕۆژانی داهاتووش ئەرکەکانی فەریزەی حەج جێبەجێدەکەن.