حیزبی شیوعی كوردستان: هەڵبژاردن بكرێت بەشداری دەكەین

ئاڤانیوز

ئەندامێکی مەکتەبی سیاسیی حیزبی شیوعی کوردستان، هەڵوێستی حیزبەکەی لەبارەی بڕیاری بایکۆتی هەڵبژاردن لەلایەن پارتییەوە ئاشکرا دەکات و دەڵێت "هەرچۆنێک بێت بەشدار دەبین".

وێنە گەورەکە: ئەمڕۆ دووشەممە پارتی، هەڵبژاردنی پەرلەمانی کوردستانی بایکۆت کرد و هەڕەشەی کشانەوە لە پڕۆسەی سیاسیی عێراقیش دەکات، لایەنەکان بۆچوونی جیاوازیان لەسەر ئەو بڕیارەی پارتی هەیە.

لێدوانی فەرمی: لەسەرەتاوە ئێمە دژی دواخستنی هەڵبژاردن بووین و دوای بڕیارەکانی دادگەی فیدڕاڵی تێبینی ڕەخنەگرانەمان لەمەڕ بڕیارەکانی ڕاگەیاند، کردن و نەکردنی هەڵبژاردن لەدەست ئێمە نییە، لەهەر وادەیەکیش هەڵبژاردن بکرێت ئێمە بەشداری دەکەین. هەندرێن ئەحمەد، ئەندامی مەکتەبی سیاسیی حیزبی شیوعی کوردستان، وای بە ئاڤا نیوز گوت.

زانیاريی زیاتر: حیزبی شیوعی کوردستان وەک چوارەم لایەنی سیاسی، هەڵوێستی لەسەر بڕیارەکەی پارتی دەربڕیوە.