ویتکۆف: داواکارییەکانی حەماس قبووڵ نەکراون

ئاڤا نیوز

ئەمریکا نیگەرانە لە وەڵامی حەماس بۆ پێشنیازی ئاگربەست و دەڵێت، قبووڵ نەکراوە و پێویستە حەماس پێشنیازەکە قبووڵ بکات.

وێنە گەورەکە: ئیسرائیل بە پێشنیازی ئەمریکا ڕازی بووە و حەماسیش داوادەکات ئەمریکا گەرەنتی دەستبەرکردنی ئاگربەستی هەمیشەیی بکات.

لێدوانی فەرمی: سەرچاوەیەکی حەماس کە ئاگاداری دانوستانەکانە، بە ئاژانسی فرانس پرێسی ڕاگەیاندووە، حەماس لەڕێگەی وڵاتانی نێوەندگیر وەڵامی پێشنیازی ئەمریکای بۆ ئاگربەست داوەتەوە و وەڵامەکە ئەرێنییە، بەڵام بە جەختکردنەوە لەسەر دەستەبەرکردنی ئاگربەستی هەمیشەیی و کشانەوەی تەواوەتی ئیسرائیل و ئازادکردنی 10 بارمتەی ئیسرائیلی بە سێ قۆناغ.

لەلایەکی دیکەوە: ستیڤ ویتکۆف، نوێنەری ئەمریکا بۆ ڕۆژهەڵاتی ناوەڕاست ڕایگەیاند، وەڵامی حەماسم بۆ پێشنیازەکەی ئەمریکا بەدەستگەیشتووە و بە تەواوی قبوڵ نەکراوە و تەنیا بەرەو دواوەمان دەبات.

- "پێویستە حەماس ئەو پێشنیازە قبوڵ بکات کە پێشکەشی دەکەین وەک بنەمایەک بۆ گفتوگۆکردن لەنزیکەوە کە دەتوانین دەستبەجێ لە هەفتەی داهاتوودا دەست پێبکەین".

- "ئەوە تاکە ڕێگەیە کە دەتوانین لە ڕۆژانی داهاتوودا ڕێککەوتنێکی ئاگربەستی 60 ڕۆژە بکەین کە تیایدا نیوەی بارمتە زیندووەکان و نیوەی ئەوانەی مردوون دەگەڕێنەوە بۆ ماڵەکانیان و تێیدا دەتوانین لە گفتوگۆکردن لە نزیکەوە دانوستانی جەوهەری بە نیەتپاکییەوە ئەنجام بدەین بۆ هەوڵدان بۆ گەیشتن بە ئاگربەستێکی هەمیشەیی.