سەرۆکی لوبنان دەگاتە بەغدا

ئاڤا نیوز 

بڕیارە ئەمڕۆ یەکشەممە، جۆزێف عۆن، سەرۆکی لوبنان بە سەردانێکی فەرمی بگاتە بەغدا. پێشبینی دەکرێت لەگەڵ بەرپرسانی باڵای عێراق کۆببێتەوە.

 

زانیاریی بەدەستهاتوو: جۆزێف عۆن بە سەرۆکایەتیی شاندێک دەچێتە بەغدا، بەگوێرەی میدیای لوبنانی پرسی دانەوەی قەرزەکانی لوبنان بە عێراق و ئاوەدانکردنەوەی شارەکانی لوبنان دەخرێنە سەر مێزی گفتوگۆکانی عۆن و بەرپرسانی عێراق.

 

زانیاریی زیاتر: ڕۆژی 17ی مانگی ڕابردوو، لەمیانی بەڕێوەچوونی لووتکەی کۆمکاری عەرەبی لە بەغدا محەممەد شیاع سوودانی، سەرۆکوەزیرانی عێراق ڕایگەیاند، 20 ملیۆن دۆلار وەک هاوکاری بۆ ئاوەدانکردنەوەی لوبنان پێشکەش بەو وڵاتە دەکەن.

 

ئەوەی پێویستە بیزانیت: دوای ئەو دەستپێشخەرییەی سوودانی، لە 20ی هەمان مانگ لە لووتکەکە کە سەرۆکی لوبنان تێیدا بەشدار نەبوو، ناوبراو پەیوەندیی بە سوودانی کرد و سوپاسی هەڵوێستی عێراقی کرد بەرامبەر هاوکارییەکانی بۆ وڵاتەکەی.