پاشماوەی جەنگ لە سووریا دەبێتە هەڕەشە بۆسەر گیانی هاووڵاتییان

ئاڤا نیوز

 

تەنها لەماوەی مانگی ڕابردوودا، بەهۆی تەقینەوەی پاشماوەی جەنگەوە لە تەواوی سووریا، زیاتر لە 122 هاووڵاتی گیانیان لەدەستداوە و برینداربوون کە زۆرینەیان منداڵن. 

 

وێنە گەورەکە: لەدوای ڕووخانی دەسەڵاتی بەشار ئەسەد، لە بەشێکی زۆری ناوچەکانی سووریا پاشماوەی جەنگ و مین و تەقمەنی بەجێماوە بەهۆی ئەوەی هاووڵاتییان ئاگادارنین یاخود دەستکاری ئەو کەرستانە دەکەن دەبێتە هۆی تەقینەوەیان.

 

ڕاگەیێنراوی فەرمی: ڕوانگەی سووری بۆ مافەکانی مرۆڤ ڕایگەیاند: لە ماوەی مانگی ئایاردا، بەهۆی پاشماوەکانی جەنگەوە 52 هاووڵاتی مەدەنی گیانیان لەدەستداوە، 23 کەسیان منداڵ و دوو ژن بوون، جگە لە برینداربوونی 70 کەس کە 27 یان منداڵ بوون.

 

ژمارەکان وا دەڵێن: قوربانییان دابەشبوون بەسەر چەند شوێنێکی سووریا لەوانە:- 

- ناوچەکانی ژێر کۆنترۆڵی حکومەتی دیمەشق: 34 هاووڵاتی مەدەنی گیانیان لەدەستداوە کە (13یان منداڵن و یەک ژن)، هاوکات لەناوچەیەکی دیکەش 48 کەسی دیکەش برینداربوون (18یان منداڵن).

- ناوچەکانی ئیدارەی خۆسەر: نۆ کەس گیانیان لەدەستداوە کە (پێنجیان منداڵن و هەروەها یەک ژن)، 16 کەسی دیکەش برینداربوون (هەشت منداڵ و دوو ژن).

- ئەو ناوچانەی کە لەلایەن گرووپی چەکداریی "سوپای نیشتمانی" کۆنتڕۆڵکراون: نۆ کەس کوژراون کە (پێنج منداڵن)، شەش کەسی دیکەش برینداربوون یەکێکیان کچێکی گەنجە.