محەممەد حاجی مەحموود: پێشمەرگەکانمان شاخەوانەکانی چیای سوورێنیان ڕزگار کرد

ئاڤا نیوز

 

تیمێک لە پێشمەرگەکانی حزبی سۆسیال دیموکراتی کوردستان، ژمارەیەک لە شاخەوان لە چیای سوورێن ڕزگار دەکەن.

 

چیرۆکی سەرەکی: ڕۆژی 31-5-2025، دەنگۆی گیرخواردنی شەش شاخەوان لە چیای سوورێن لە سنووری پارێزگای هەڵەبجە بڵاوکرایەوە، گوایە داوای بەهاناوە چوونیان کردووە.

 

لێدوانی فەرمی: محەممەد حاجی مەحموود، سکرتێری حزبی سۆسیال دیموکراتی کوردستان، بە ئاڤا میدیای ڕاگەیاند: ئەو شاخەوانانە لەسەر بەرزترین لووتکە کە لووتکەی هەییانەیە لە چیای سوورێن گیریانخواردبوو، لەلایەن تیمێک پێشمەرگەی فەوجی سوورێنەوە بەهانایانەوە چوون و ڕزگار کراون. 

 

- سکرتێری حزبی سۆسیال دیموکراتی کوردستان لەبەشێکی دیکەی قسەکانیدا دەڵێت؛ تیمەکەی ئێمە کاتژمێر 12:00ی شەوی ڕابردوو بۆ ڕزگارکردنی شاخەوانەکان چوون و کاتژمێر 03:00ی شەو گەڕاونەتەوە، دوو شاخەوان قاچیان برینداربووە و ئەوانی دیکە سەلامەتن.