ئۆکراینا بەرپرسیارێتیی تەقینەوەکەی ڕووسیا لە ئەستۆ دەگرێت و مۆسکۆ قسەیەکی دیکەی هەیە

ئاڤا نیوز

 

ئۆکراینا بەرپرسیاریێتی خۆی لە تەقینەوەکەی بەرەبەیانیی ئەمڕۆی ڕووسیا ڕاگەیاند، کە بەهۆیەوە زیاتر لە لە 70 کەس  بوونە قوربانی. مۆسکۆش دەڵێت، پرد داڕماوە و شەمەندەفەرێک لە ڕێڕەوی خۆی لایداوە.

 

وێنە گەورەکە: ڕۆژی 1-6-2025، ئۆکراینا بەرپرسیاریێتی خۆی لە تەقینەوەی شەمەندەفەرە سەربازییەکەی  ڕووسیا لە ناوچەیەکی هاوسنووری وڵاتە ڕاگەیاند و بەهۆیەوە حەوت کەس کوژران و نزیکەی 70 کەسیش برینداربوون.

 

بڵاوکراوەی فەرمی: دەزگاری هەواڵگریی ئۆکراینا ڕایگەیاند، شەمەندەفەرێکی سەربازی ڕووسیامان بە ئامانج گرت کە بە مەبەستی دابینکردنی سووتەمەنی و هاوکاریی لۆجیستیکی بۆ هێزەکانی سوپای ڕووسیا بەرەو ناوچەی کریمیا و زاپارۆژیا دەچوو.

 

بۆچوونی لایەنی بەرامبەر: بەڵام مۆسکۆ لەبارەی ڕووداوەکەوە قسەیەکی دیکەی هەیە و بەگوێرەی میدیای ڕووسیا، "بەهۆی داڕمانی پردێکەوە، شەمەندەفەرێک لە سەر سنووری ئۆکراینا لە هێڵی خۆی لاداوە و لە ئەنجامدا زیاتر لە 70 سەرنشین بوونە قوربانی و زیانێکی زۆر بە شەمەندەفەرەکە کەوتووە.