پارتی بۆ یەکێتی: جەخت لە هەماهەنگی و تەبایی نێوانمان دەکەینەوە

ئاڤا نیوز

 

مەكتەبی سیاسیی پارتی دیموكراتی كوردستان بەبۆنەی دامەزراندنی یەکێتیەوە پەیامێک ئاراستەی ئەو حیزبە دەکات. لە پەیامەکەدا جەخت لەسەر "هەماهەنگی و تەبایی" نێوانیان دەكاتەوە.

 

چیرۆکی سەرەکی: پارتی دیموکراتی کوردستان بۆنەی 50 ساڵەی دامەزراندنی یەکێتی نیشتمانی کوردستانەوە پەیامێک ئاراستەی سەرۆکی حیزب، ئەندام و لایەنگرانی یەکێتی دەکات.

   
پەیامی فەرمی: لە پەیامەکەی مەكتەبی سیاسیی پارتی دیموكراتی كوردستاندا هاتووە: "لەو دەرفەتەدا جارێكی دیكە جەخت دەكەینەوە سەر هەماهەنگی و تەبایی نێوانمان، شانبەشانی هێز و لایەنە سیاسیەكانی دیكەی كوردستان بۆ بەجێگەیاندنی ئەرکە هاوبەشەکانمان لەم قۆناغە پڕ ئاڵنگاری و گۆڕانکارییەدا و پاراستنی دەسكەوتەكانمان و داكۆكیكردن لە قەوارەی شەرعی هەرێمی کوردستان.

 

لە بەشێکی دیکەی پەیامەکەدا، مەکتەب سیاسی پارتی ڕوودەکاتە سەرۆک و لایەنگرانی یەکێتی و دەڵێت، "پیرۆزباییەكی گەرم لە ئێوە (بافڵ تاڵەبانی) ئەندام و لایەنگرانی حزبە تێکۆشەرەکەتان دەكەین، هیوای بەردەوامیی و سەرکەوتنتان بۆ دەخوازین".

 

باکگراوند: یەکێتیی نیشتمانیی کوردستان، 50 ساڵ لەمەوبەر لە ڕێککەوتی 1ـی حوزەیرانی ساڵی 1975 لە دیمەشقى پایتەختی سووریا لەلایەن ژمارەیەک لە سەرکردەی کوردەوە ڕاگەیێنرا.