15 ڕاوچی ئێرانی لە ئاوەکانی سعودیە دەستگیر دەکرێن

ئاڤا نیوز

 

ئێوارەی ڕۆژی شەممە 15 ڕاوچی ئێرانی لەلایەن پۆلیسی دەریاوانی سعودیە لە ناوچە ئاوییەکانی ئەو وڵاتە دەستگیرکران.

 

لێدوانی فەرمی: کچی یەکێک لەو ڕاوچییانە بە میدیاکانی ئێران گوت: باوکم لەگەڵ 14 ڕاوچی دیکە بەلەمەکانیان لەنگەری گرتبوو و خەوتبوون لەناو بەلەمەکەیان، لەو کاتەدا بەهۆی زۆری با  و شەپۆلی دەریا بەلەمەکانیان بەرەو ئاوەکانی سعودیە چوون، دواتر لەلایەن پۆلیسی دەریاوانی سعودیە دەستگیر کراون.

 

لەلایەکی دیکە: بەرپرسانی ئێران تائێستا هیچ لێدوانێکیان لەبارەیەوە نەداوە. بە وتەی خانەوادەی دەستگیرکراوەکان، بڕیار بووە لە ماوەی 48 بۆ 72 کاتژمێر دوای دەستگیرکردن، ئازاد بکرێن، بەڵام تائێستا هیچ دەنگۆیەکی ئازادبوونیان نییە.