لە سووریا دەست بەسەر بڕێکی زۆر حەشیش دەگیرێت

ئاڤا نیوز

لە ڕیفی حەلەب بەڕێوەبەرایەتیی بەرەنگاربوونەوەی ماددە هۆشبەرەکان بە هەماهەنگیی ئاسایشی ناوخۆ دەستی بەسەر 800 کیلۆگرام ماددەی هۆشبەری جۆری حەشیش گرت، و چەند تۆمەتبارێکیش دەستگیر کران.

ڕاگەیێنراوی فەرمی: بە گوێرەی ڕاگەیێنراوی وەزارەتی ناوخۆی سووریا، ماددەکان لەناو چەند بەرمیلێک حەشاردرابوون کە بۆ گواستنەوەی پێداویستی خۆراک بەکاردەهێنرا، وەک ئامادەکارییەک بۆ گواستنەوەی بە قاچاخ بۆ وڵاتێکی ئەوروپی.

ئەوەی پێویستە بیزانیت: لە سەردەمی دەسەڵاتی ئەسەد، سووریا بووبووە ناوەندێک بۆ بەرهەمهێنان و بازرگانیكردنی ماددە هۆشبەرەکان لە ناوچەکەدا، بەڵام دوای ڕووخانی دەسەڵاتەکەی ئەسەد، قاچاخیی ماددە هۆشبەرەکان لە سووریاوە بەڕێژەیەکی بەرچاو کەمبووەتەوە.