بەسەرپەرشتی سەرۆک بارزانی پارتی لەبارەی مووچە کۆدەبێتەوە

ئاڤا نیوز

کۆمیتەی ناوەندی پارتی بەسەرپەرشتی سەرۆک بارزانی کۆدەبێتەوە، هەڵوەستە دەکرێت لەسەر پرسی ڕاگرتنی شایستە داراییەکانی هەرێمی کوردستان لەلایەن بەغدا و دوایین بڕیاری تەیف سامی بەرامبەر بە مووچەخۆران.

وێنە گەورەکە: بڕیاری نەناردنی مووچە لەلایەن تەیف سامی، وەزیری دارایی عێراق، پارتی نیگەران کرد و بووە هۆی ئەوەی ئەم بابەتە لە کۆبوونەوەی ئەمڕۆی کۆمیتەی ناوەندیی پارتی، بخرێتە بەرباس و بڕیار وەرگرتن.

زانیاریی بەدەستهاتوو: پێشنیوەڕۆی ئەمڕۆ دووشەممە لە پیرمام، بەسەرپەرشتی سەرۆک مەسعود بارزانی؛ کۆمیتەی ناوەندی پارتی دیموکراتی کوردستان کۆدەبێتەوە، سەرجەم ئەندامانی کۆمیتەی ناوەندی و بەرپرسی لقەکان ئامادە دەبن.

لەلایەکی دیکەوە: لەچەند ڕۆژی ڕابردوو پارتی ژمارەیەک گۆڕانکاری لە پۆستە حیزبییەکاندا کرد و بڕیارە قۆناغی دووەمی گۆڕانکارییەکان دەست پێبکات و هەڵوەستە لەسەر دوایین پێشهاتەکان لەو بارەیەوە دەکرێت.