حەماس مەرجی دانوستان لەگەڵ ئیسرائیل ئاشکرا دەکات

ئاڤا نیوز

بزووتنەوەی حەماس مەرجی لەبارەی ئەنجامدانی دانوستان لەگەڵ ئیسرائیل ئاشکرا دەکات و  دەڵێت، ئاگربەستێکی هەمیشەیی و کشانەوەی سوپای ئیسرائیل لە غەززە، مەرجی سەرەکیمانە.

وێنە گەورەکە: هەوڵەکانی ئەمریکا و وڵاتانی عەرەبی بۆ ڕاگرتنی شەڕی غەززە تادێت زیاتر دەبێت، سەرەڕای ئەوەی ئەمریکا گەشبینی خۆی بۆ کۆتاییهێنان بەم جەنگە دەربڕیوە، بەڵام  تاوەکو ئێستا ئاگربەستێکی گشتیگیر نەهاتووتە ئاراوە

ڕاگەیێنراوی فەرمی: بزووتنەوەی حەماس لە ڕاگەیێنراوێکدا ڕایگەیاند، بە ئامانجی ڕاگرتنی شەڕ و بە مەرجی ئاگربەستێکی هەمیشەیی و کشانەوەی تەواوەتی سوپای ئیسرائیل لە غەززە و دەستپێکردنەوەی هاوکارییە مرۆییەکان بۆ ناو کەرتەکە، ئامادەین لەگەڵ ئیسرائیل دانوستان بکەین.

زانیاریی زیاتر: قەتەر و میسر، ڕاگەیەندراوێکی هاوبەشییان بڵاوکردەوە ئاماژەیان بەوەکردووە، بە هەماهەنگی لەگەڵ ئەمریکا جەخت لە گرنگی برەودان بە هەوڵەکان بۆ چارەکردنی ئاستەنگەکانی بەردەم دانوستانەکانی نێوان حەماس و ئیسرائیل دەکەینەوە.