هەسەدە و حکومەتی دیمەشق ژمارەیەک دیل ئاڵوگۆڕ دەکەن

ئاڤا نیوز

 

دوای چەند ڕۆژێک لە دانوستان و لێكتێگەیشتن لە نێوان هێزەکانی سوپای سووریای دیموکرات و حکومەتی دیمەشق، یەکەم گەڕی ئاڵوگۆڕی دیلەکانیان ئەنجامدا. 

 

ڕاگەیێنراوی فەرمی: ئاژانسی هەواڵی نۆرس پرێس بڵاویکردەوە: دوای چەند ڕۆژێک لە دانوستان هەسەدە 176 دیلی بەرامبەر بە 293 کەس ئازاد کردووە. 

 

زانیاریی زیاتر: ئەم ڕێککەوتنە دوای ئەوە دێت کە لەماوەی چەند ڕۆژی ڕابردوودا دانوستانی ڕاستەخۆ لەنێوان حکومەتی نوێی سووریا و دەسەڵاتدارانی هەسەدەوە هەبووە، دواجار بە ڕێککەوتن ژمارەیەک دیل لە گەڕەکەکانی ئەشرەفییە و شێخ مەقسوود ئازاد کراون. 

 

لەلایەکی دیکەوە: بەگوێرەی بڵاوکراوەی ڕوانگەی سووری بۆ مافەکانی مرۆڤ: ڕێککەوتنەکە بۆ ئازاد کردنی 170 دیلی و ژمارەیەک تەرمی هەسەدەیە کە لای حکومەتی سووریایە، ئەمەش لە بەرامبەر ئازاد کردنی 400 دەستگیرکراو و گەڕانەوەی تەرمی ژمارەیەک ئەندامی ئاسایشی گشتیی و گرووپە چەکدارەکانی حکومەتی دیمەشق. 

 

گۆشەیەکی دیکەی دیمەنەکە: ڕوانگەی سووری بۆ مافی مرۆڤ ئەوەی زانیوە؛ بڕگەیەکی دیکەی دانوستانەکان ڕێکخستنەوەی هێزە ئەمنییەکانی گەڕەکی شێخ مەقسوود و ئەشرەفییە، هێزەکانی ئاسایش دەچنە ژێر چەتری دەزگای "ئاسایشی گشتیت" بەڵام ئەندامانی وەکو خۆی دەمێننەوە، ئەم ڕێککەوتنەش بە چاودێری ڕاستەوخۆی ئەمریکایە و لە چەند ڕۆژی داهاتوو وردەکارییەکەی دەخرێتەڕوو.