ئەمریکا: ڕێگە دەدەین چەکدارانی بیانی تێکەڵ بە سووپای سووریا بکرێن

ئاڤا نیوز

یەکێک لە مەرجەکانی ئەمریکا بۆ هەڵگرتنی سزاکانی سەر سووریا نەمانی چەکدارانی بیانی بوو لەو وڵاتە، ئێستا دەڵێن، "لاریمان نییە بە مانەوەیان لە سووریا، بەڵام بە مەرج".

وێنە گەورەکە: لە شەڕی 14 ساڵەی ناوخۆی سووریا بە هەزاران چەکداری بیانی چوونە سووریا و ئێستاش زۆربەیان لەو وڵاتەدا ماون و حکومەتی سووریا دەیەوێت لە سوپای وڵاتەکەیدا جێیان بکاتەوە.

لێدوانی فەرمی: تۆم باراک، نێردەی تایبەتی ئەمریکا بۆ سووریا ڕایگەیاند، ئەمریکا ڕێگە بە حکومەتی نوێی سووریا دەدات هەزاران چەکداری بیانی بخاتە ناو سوپای وڵاتەکەی، بەمەرجێک بەشێوەیەکی شەفافانە ئەو کارە بکات.

زانیاریی بەدەستهاتوو: سێ بەرپرسی بەرگریی سووریا ئاشکرایانکردووە، نزیکەی سێ هەزار و 500 چەکداری بیانی لەژێر ناوی وەزارەتی بەرگریی سووریا دەچنە پاڵ یەکەیەکی سەربازی کە تازە پێکهێنراوە.