سووریا بە درێژایی جەژنی قوربان سنوورەکانی لەگەڵ عێراق دادەخات

ئاڤا نیوز

سووریا، ڕۆژانی پشووی جەژنی قوربان بەشێک لە دەروازە سنووریەکانی لەگەڵ وڵاتانی دراوسێ دادەخات و عێراقیش دەگرێتەوە.

 

وێنە گەورەکە: هەرێمی کوردستان، عێراق و زۆربەی وڵاتانی ئیسلامی و عەرەبی لەنێویاندا سووریا، ڕۆژی هەینی داهاتوو 6-5-2025یان وەکو یەکەم ڕۆژی جەژنی قوربان دیاری کرد.

 

لێدوانی فەرمی: دەستەی گشتیی دەروازە سنووریەکانی سووریا ڕایگەیاند: دەروازەی وشکانی ئەلبوکامالی نێوان عێراق و سووریا لە ڕۆژی هەینی 6-6-2025 تاوەکو ڕۆژی دووشەممە 9-6-2025، بەڕووی هاووڵاتییان و بارهەڵگر دادەخرێت.

 

زانیاریی زیاتر: دەستەکە ئاماژەی بەوەشکرد، ڕۆژانی پشووی جەژنی قوربان سەرجەم دەروازە سنوورییە وشکانیەکانی سووریا لەگەڵ تورکیا دادەخرێن،  هاوکات دەروازە سنوورییەکانی لەگەڵ لوبنان و ئوردن بەکراوەیی دەمێنێتەوە .