ترەمپ ئامادەیە بەشداریی کۆبوونەوەی سێ قۆڵی لەگەڵ پووتین و زێلێنسکی بکات

ئاڤا نیوز

لەبارەی کۆبوونەوەی سێ قۆڵی لە نێوان هەر یەکە لە سەرۆکی ئەمریکا و ڕووسیا و ئۆکراینا، ئەمریکا ئامادەیی بۆ بەشدارییکردن لە کۆبوونەوەکان دەردەبڕێت.

 

چیرۆکی سەرەکی:  ڕۆژی دووشەممە هەر یەکە لە ڕووسیا و ئۆکراینا بۆ جاری دووەم لە تورکیا کۆبوونەوە، بە گوێرەی گوتەی بەرپرسانی هەر دوو شاندەکە، کۆبوونەوەکە ئەرێنی بوو و لەسەر چەند پرسێک ڕێککەوتن، زێلێنسکیش داوای کۆبوونەوەی سێ قۆڵی لەگەڵ هەر یەکە لە دۆناڵد ترەمپ، سەرۆکی ئەمریکا، ڤلادێمێر پووتین سەرۆکی ڕووسیا کرد کە ئامانج لێی لێکتێگەیشتنە سەبارەت بە کۆتاییهێنان بەجەنگ.

 

لێدوانی فەرمی: کارۆلین لێڤێت، وتەبێژی کۆشکی سپی ئەمریکا ڕایگەیاند، دۆناڵد ترەمپ ئامادەیە بەشداریی ئەو کۆبوونەوەیە بکات، بەڵام بەو مەرجەی هەردوو سه‌رۆكه‌كه‌ بۆ گفتوگۆ و سازش ئامادە بن.

 

زانیاریی زیاتر: بەهۆی ئەوەی کۆبوونەوەکان لە تورکیا بەڕێوەدەچێت، سەرۆککۆماری وڵاتەکە دوای تەواوبوونی کۆبوونەوەکە ئەنجامی دانووستانەکەی ئۆکراینا و ڕووسیا بە نایاب وەسف کرد.