بوومەلەرزەیەک تورکیای هەژاند

ئاڤا نیوز

وەزارەتی ناوخۆی تورکیا ڕایگەیاند، بەهۆی بوومەلەرزەکەی مەڕماریس کەسێک گیانی لەدەستداوە و 69 کەسی دیکەش برینداربوون.

 

وێنە گەورەکە: ڕۆژی سێشەممە 3-6- 2025، بوومەلەرزەیەک بە گوڕی 5.8 پلە لە کەناراوەکانی مەڕماریس لە باشووری ڕۆژئاوای ئەو وڵاتە ڕوویدا و بەهۆیەوە زیانی گیانی ماددی لێکەوتەوە.

 

ڕاگەیێنراوی فەرمی: عەلی یەرلیکایا، وەزیری ناوخۆی تورکیا ڕایگەیاند: کەسێک گیانی لەدەستدا و 69 کەسی دیکەش برینداربوون، ناوەندی بوومەلەرزەکە لە قووڵایی 68 کیلۆمەتر بووە.

 

ئەوەش بزانە: ئەو کەسەی گیانی لەدەستداوە کچێکی 14 ساڵ بووە، بەهۆی ترس و دڵەراوکی گیانی لەدەستداوە، هاوکات 69 کەسی دیکەش بەهۆی ترس و دڵەوڕاوکێ لە بەرزاییەکانەوە خۆیان هەڵداوە و برینداربوون.

 

زانیاریی زیاتر: ناوەندیی بوومەلەرزەزانیی ئەوروپا و دەریای ناوەڕاست ڕایگەیاند، بوومەلەرزەیەک بە گوڕی 6.2 پلە لە دوورگەکانی یۆنان لە نزیک سنوورەکانی لەگەڵ تورکیا ڕوویداوە و لە چەند وڵاتێکی دراوسێش هەستی پێکراوە، لەوانە میسر و یۆنان و قوبرس.