ئەحمەد شەرع سەردانی ئەمریکا دەکات

 

ئاڤا نیوز

 

میدیا سوورییەکان بڵاویانکردەوە، بڕیارە ئەحمەد شەرع, سەرۆککۆماری سووریا بۆ قۆناغی ڕاگوزەر سەردانی ئەمریکا بکات.

 

زانیاریی بەدەستهاتوو: سەرچاوەیەکی تایبەت بۆ ' تەلەفزیۆنی سووریا 'ی نزیک لە حکومەتی دیمەشق ئاشکرای کرد، ئەحمەد شەرع، سەرۆککۆماری سووریا بۆ قۆناغی ڕاگوزەر لە مانگی ئەیلولی داهاتوودا سەردانی ئەمەریکا دەکات و لە کۆبوونەوەیەکدا لە نەتەوە یەکگرتووەکان وتارێک پێشکەش دەکات.

ئەوەی پێویستە بیزانیت: ئەحمەد شەرع، لە سەردانەکەیدا بۆ ئەمریکا چەندین کۆبوونەوە و چالاکی گرنگ ئەنجام دەدات و یەکێک لەوانە پێشکەشکردنی وتارێکە لە نەتەوەیەکگرتووەکان.

بۆچی گرنگە: پێشکەشکردنی وتارەکەی ئەحمەد شەرع لە کۆبوونەوەی نەتەوەیەکگرتووەکان، دەبێتە یەکەمین وتار کە لەلایەن سەرۆکێکی سووریا پێشکەش بکرێت لە ماوەی 60 ساڵی ڕابردوودا.

زانیاریی زیاتر: ئەم سەردانەی شەرع دوای ئەوە دێت کە هەردوو وڵات جەختیان لە ئاسایی کردنەوەی پەیوەندییەکانیان کردووە بەتایبەت دوای ئەوەی دۆناڵد ترەمپ، سەرۆکی ئەمریکا سزا ئابوورییەکانی سەر وڵاتەکەی هەڵگرت و نێردەی تایبەتی ئەمریکا بۆ سووریاش گوتی، سیاسەتی ئەمریکا بەرامبەر بە سووریا دەگۆڕێت.