سووریا لەبارەی  هێرشەکانی سەر ئیسرائیل پەیامێک بڵاودەکاتەوە

ئاڤا نیوز

وەزارەتی دەرەوەی سووریا لەبارەی تۆمەتبارکردنی وڵاتەکەی لە بۆردوومانکردنی ئیسرائیل بە هەوڵێک بۆ تێکدانی سەقامگیری ناوچە دادەنێت و بێ بەری خۆیان لە هێرشەکان ڕاگەیاند.

وێنە گەورەکە: ئێوارەی 3-6-2025، لە یەمەن و سووریاوە ناوچەکانی ئیسرائیل بۆردوومانکران، سوپای ئیسرائیلیش لەوبارەیەوە دەڵێت، هێشتا نازانن چ گرووپێک لە سووریاوە بۆردوومانەکەی کردووە، هاوکات  پەیامێکی تووندیشیان ئاراستەی  ئەحمەد شەرع کرد و بەرپرسیارێتی هێرشەکانی خستە ئەستۆی.

ڕاگەیێنراوی فەرمی: وەزارەتی دەرەوەی سووریا ڕایگەیاند: '' ئێمە هیچ هەڕەشە نەبووین و نابین بۆ سەر هیچ لایەنێک لە ناوچەکەدا، کاری لەپێشینەمان لە باشووری سووریا سەپاندنی دەسەڵاتی دەوڵەت و کۆتاییهێنانە بە بوونی چەک لە دەرەوەی دامەزراوە فەرمییەکان، بەشێوەیەک کە ئاسایش و سەقامگیری بۆ هەموو هاووڵاتیان مسۆگەر بکات.

لەلایەکی دیکەوە: وەزارەتەکە ئیدانەی هێرشەکانی ئیسرائیلی لە پارێزگای دەرعا کرد و ڕایگەیاند: هێرشەکانی ئیسرائیل بوونەتە هۆی زیانی گیانی و ماددیی، ئەمەش پێشێلکارییەکی ئاشکرای سەروەریی سووریایە و گرژی و ئاڵۆزی لە ناوچەکەدا زیاتر دەکات، لە کاتێکدا کە لە هەموو کات زیاتر پێویستمان بە هێورکردنەوە و چارەسەری ئاشتییانە هەیە. هاوکات داوایان لە کۆمەڵگەی نێودەوڵەتی کرد بەرپرسیارێتیی لە ئەستۆ بگرێت بۆ ڕاگرتنی ئەم دەستدرێژییانە.