مەرجەکانی شیاوبوونی ئاژەڵی قوربانی چین؟

ئاڤا نیوز

 

لە ئاینی پیرۆزی ئیسلامدا قوربانیکردن وەکو سونەتێک دیاریکراوە، هەر کەسێک لە توانایدا هەبێت دەتوانێت ئاژەڵی گەورە و بچووک بۆ خۆی و خێزانەکەی بکاتە قوربانی، بەڵام بە مەرج چونکە هەموو جۆرە ئاژەڵێک نابێت. 

 

لێدوانی فەرمی: د. عەبدوڵڵا شێرکاوەیی، وتەبێژی یەکێتی زانایانی ئیسلامی کوردستان، بە ئاڤا میدیای ڕاگەیاند، ئەو ئاژەڵانەی بۆ قوربانی دەشێن بریتییە لە (وشتر، مەڕ، بزن، مانگا)، هەر یەک لەو ئاژەڵانەش مەرجی تەمەنیان هەیە بۆ قوربانی کردن.

 

زانیاریی زیاتر: وتەبێژی یەکێتی زانایانی ئیسلامی کوردستان، دەڵێت، ئاژەڵی وشتر دەبێت پێنج ساڵی تەواو کرد بێت ئینجا بۆ قوربانی دەشێت بۆ قوربانی کردن، بەڵام ڕەشەوڵاغ و مانگا و بزن دەبێت دوو ساڵیان تەواو کرد بێت و چووبنە ساڵی سێیەمەوە، مەڕیش دەبێت ساڵێکی تەواو کرد بێت، هاوکات وشتر و گا و مانگا، حەوت کەس دەتوانن بەشداربن و بۆ هەموو ماڵ و منداڵ دەبێت، بەڵام مەڕ و بزن لە بری یەک کەس دەکرێتە قوربانی.

 

ئەوەی پێویستە بیزانیت: بە پێی شەریعەتی ئیسلام ئەو ئاژەڵانەی نەخۆشن یان کەمئەندامن یان پارچەیەک لە قۆچیان شکاوە بۆ قوربانی ناشێن.