ترەمپ ڕێگە بە زانکۆی هارڤارد نادات قوتابی نێودەوڵەتیی وەربگرێت

ئاڤا نیوز

دۆناڵد ترامپ، سەرۆکی ئەمریکا هاتنی قوتابییانی نێودەوڵەتیی بۆ خوێندن یان بەشداریکردن لە بەرنامەکانی ئاڵوگۆڕی قوتابییان بۆ زانکۆی هارڤارد بۆ ماوەی شەش مانگ ڕاگرت کە دەشێت ئەم ماوەیە درێژ بکرێتەوە.

چیرۆکی سەرەکی: ترەمپ ئەم فەرمانەی بە پشتبەستن بە نیگەرانییەکانی پەیوەست بە "ئاسایشی نیشتیمانی" دەرکرد و ڕایگەیاند، کە بەردەوامیی وەرگرتنی قوتابییانی نێودەوڵەتیی لەم دامەزراوەیەدا زیان بە بەرژەوەندییەکانی ئەمریکا دەگەیێنێت.

زانیاریی زیاتر: ترەمپ هارڤاردی بە درووستکردنی "پەیوەندیی فراوان" لەگەڵ وڵاتانی بیانی و درێژەدان بە "پێشێكی مافە مەدەنییەکانی قوتابییان و مامۆستایانی زانکۆ" تۆمەتبار کردووە.

ئەمەش بزانە: بە گوێرەی فەرمانەکە ڤیزای قوتابییان هەڵدەپەسێردرێت تا ئەو کاتەی وەزیری دەرەوە فەرمانی هەڵوەشاندنەوەی ڤیزاکانیان دەردەکات. 

بۆچوونی لایەنی بەرامبەر: هارڤارد ئەم فەرمانەی ترەمپ بە "تۆڵەسەندنەوە" ناو برد و جەختی کردووەتەوە کە بەردەوام دەبێت لە پاراستنی قوتابییە نێودەوڵەتییەکانی.