ترەمپ بۆ مەسک: ئەگەر پشتیووانی دیموکراتەکان بکەیت باجێکی قورس دەدەیت

ئاڤا نیوز

 

گرژییەکانی نێوان دۆناڵد ترەمپ، سەرۆکی ئەمریکا و ئیلۆن مەسک، ملیاردێری جیهانی تادێت زیات دەبێت، ترەمپ هۆشداری بە مەسک دەدات لە ئەگەری پشتیووانیکردن لە دیموکراتەکان لە هەڵبژاردنی کۆنگرێسدا باجێکی قورس دەدات.

 

چیڕۆکی سەرەکی: ترەمپ و  مەسک هەفتەی ڕابردوو، لە تۆڕە کۆمەڵاتییەکانی ئێکس و ترووس سۆشیال، هێرشیان کردە سەر یەکدی، نوێترین قسەی ترەمپیش بۆ هاوڕێ کۆنەکەی ئەوەیە کە، ئەگەر  لە هەڵبژاردنی کۆنگرێسدا مەسک دژ بە کۆمارییەکان بێت و پشتیووانی لە دیموکراتەکان بکات، باجێکی قورس دەدات.

 

لێدوانی فەرمی: دۆناڵد ترەمپ، سەرۆکی ئەمریکا لە وەڵامی پرسیارێکدا کە ئایا حەز دەکات لەگەڵ مەسک قسە بکاتەوە، وتی، "نەخێر". لە وەڵامی پرسیارێکی دیکەدا کە ئایا پێیوایە پەیوەندییەکەی لەگەڵ مەسک کۆتاییهاتووە، ترەمپ وتی، ''وای دەبینم، بەڵێ''. ترەمپ زیاتر هێرشی کردە سەر مەسک و بە "بێڕێز" ناوی برد و وتی، "نابێت بێڕێزی بەرامبەر سەرۆک بکەیت. ئەگەر پاڵپشتیش لە دیموکراتەکان بکەیت، لێکەوتەی خراپ چاوەڕێت دەکات".

 

باکگراوند: پێشتر دۆناڵد ترەمپ و ئیلۆن مەسك بەڕێوبەری جێبەجێکاری کۆمپانیای تێسلا و سپەیس ئێکس و بەرپرسی پێشووی کارامەیی حکومەت، هاوپەیمانێکی نزیکی یەکتری بوون، بەڵام مەسك ڕەخنەی لە پرۆژە یاسایەك گرت کە لەلایەن ترەمپەوە پێشنیاز کرابوو، بەمەش دۆستایەتی نێوانیان تێكچوو.