ترەمپ لە ترسی خۆپیشاندان دوو هەزار سەرباز لە لۆس ئانجلس بڵاوە پێدەکات

ئاڤا نیوز

 

دۆناڵد ترەمپ، سەرۆکی ئەمریکا بەهۆی دروستبوونی پشێویی لە خۆپیشاندانەکانی لۆس ئانجلس لە ئەمریکا، فەرمانی بڵاوەپێکردنی هێزی دژی خۆپیشاندەران کرد.

 

وێنە گەورەکە: دوو ڕۆژە  لە بەرامبەر  ڕێکارە نوێیەکانی ئیدارەی دۆناڵد ترەمپ، سەرۆکی ئەمریکا دژی کۆچبەرە نایاساییەکان و سەپاندنی پێناسی گومرگی زیاتر بەسەر کۆچبەرانی ئەو وڵاتە، لە لۆس ئانجلس خۆپیشاندان بەردەوامە.

 

لێدوانی فەرمی: کارۆلین لیڤیت، وتەبێژی کۆشکی سپی ڕایگەیاند: ترەمپ یاداشتێکی واژۆکردووە بۆ بڵاوکردنەوەی دوو هەزار ئەندامی سوپای نیشتمانیی بۆ چارەسەرکردنی ئەو  پشێوییەی بەهۆی خۆپیشاندانەکانەوە لە لۆس ئانجلس دروستبووە، هاوکات بەرپرسانی دیموکراتەکانی بە هۆکاری دروستبوونی پشێویەکان دانا.

 

زانیاریی زیاتر: خۆپیشاندانەکان پشێویان لێکەوتووەتەوە و پێکدادان لەنێوان ئەندامانی پۆلیسی فیدراڵی و خۆپیشاندەرانی ناڕازی ڕوویدا، ئەمەش وایکرد ترەمپ بڕیاری بڵاوەپێکردنی دوو هەزار ئەندامی سوپای نیشتمانی بدات بۆ هێورکردنەوە و کۆنترۆڵکردنی دۆخەکە.