ڕووسیا هێشتا تۆڵەی هێرشەکەی ئۆکراینای نەکردووەتەوە

ئاڤا نیوز

بە گوێرەی ڕاپۆرتێکی ئاژانسی ڕۆیتەرز، سەرەڕای هێرشە چڕ و تووندەکانی چەند ڕۆژی ڕابردووی ڕووسیا بۆ سەر ئۆکراینا، بەڵام ئەمریکا لەو باوەڕەدایە کە ڕووسیا هێشتا تۆڵەی هێرشەکەی ئۆکراینای بۆ سەر بنکە ئاسمانییەکانی ئەو وڵاتە نەکردووەتەوە.

ئەوەی پێویستە بیزانیت: ڤلادیمیر پووتین، سەرۆکی ڕووسیا، بەڵێنی دابوو تۆڵەی ئەو ‌هێرشە بکاتەوە کە ئۆکراینا بە ئۆپەراسیۆنی 'تاڵی جاڵجاڵۆکە' ناوی ناوە و تیایدا دەیان فڕۆکەی جەنگیی ڕووسیا تێکشکێنران.

ڕاگەیێنراوی فەرمی: بە گوێرەی سەرچاوەکانی ڕۆیتەرز، کاتی هێرشی تۆڵەسەندنەوەکە دیاری نەکراوە، بەڵام چاوەڕێ دەکرێت لە چەند ڕۆژی کەمی داهاتوودا ئەنجام بدرێت و تیایدا چەندین جۆر مووشەک و درۆن بەکار ببرێت و تواناکانی هێزە ئاسمانییەکانی ڕووسیای تیادا نیشان بدرێت.

لەلایەکی دیکەوە: بە گوێرەی سەرچاوە ئەمریکییەکان چاوەڕێ دەکرێت هێرشەکە ناهاوسەنگ بێت و شێوە و ئامانجەکەی هاوشێوەی هێرشەکەی ئۆکراینا نەبێت، بەڵام لەگەڵ ئەوەشدا هێرشەکە گەورە و تووند و نەپارێزراو دەبێت.