پۆلیسی زاخۆ: کچێکی بیرکۆڵ  شەربەت و سبخی بەسەر دوو ATM کردووە

ئاڤا نیوز

دوای ئەوەی زانیاری لەبارەی تێکدانی دوو ATM لە زاخۆ بڵاوکرایەوە، پۆلیسی زاخۆ دەڵێت 'کچێکی بیرکۆڵ ئەو کارەی کردووە'.

لێدوانی فەرمی: موقەدەم ئەحمەد ڕەمەزان، بەڕێوەبەری ڕاگەیاندنی پۆلیسی زاخۆ بە ئاڤا میدیای ڕاگەیاند: شەوی یەکشەممە کەسێک شەربەت و سبخی بەسەر دوو ATMدا کردووە، بەوهۆیەوە شاشەی ATMکان کار ناکەن.

- دوای لێکۆڵینەوە لەلایەن بەشی نەهێشتنی تاوانەوە، لە کامێرای چاودێرییەوە دەرکەوتووە کە کچێکی بیرکۆڵی تەمەن 20 ساڵ ئەو کارەی کردووە.

زانیاریی زیاتر: بە بڕیاری دادوەر لەلایەن بەشی پۆلیسی نەهێشتنی تاوانەوە داواکراوە، ئەمڕۆ کچەکە و باوکی بۆ لێکۆڵینەوە ئامادەبن، چونکە ئەو دوو (ATM)ـە دانەیەکیان هی بانکی جیهانە و ئەوی دیکە سەر بە RTی بانکە، ئەگەر ئەم دوو شوێنە سکاڵایان لەسەر تۆمار بکەن ئەوا پێبژاردنیان پێ دەکرێت.