لەماوە شەش ڕۆژدا 32 هەزار گەشتیار لە دەروازەی حاجی ئۆمەران هاتوچۆیان کردووە

ئاڤا نیوز

 

لە ڕۆژانی جەژندا ڕێژەی هاتوچۆی گەشتیاران لەسنووری دەروازەی حاجی ئۆمەران بەراورد بەڕۆژانی ئاسایی سێ بەرامبەر زیادیکردووە و لەماوەی شەش ڕۆژی ڕابردوو 32 هەزار گەشتیار، لەڕێگەی ئەو دەروازەیەوە هاتوچۆیان کردووە.

 

وێنە گەورەکە: هەڵگرتنی ڤیزا لە نێوان هەرێمی کوردستان و ئێران، زیادبوونی ژمارەی گرووپە  گەشتیارییەکان کاریگەریی ئەرێنی خستووەتە سەر ڕێژەی هاتنی گەشتیارن لە شارەکانی ئێران و ڕۆژهەڵاتی کوردستان و بەپێچەوانەشەوە، هەروەها 626 هەزار گەشتیار لەماوەی شەش مانگدا لە دەوازەی نێودەوڵەتیی حاجی ئۆمەران هاتوچۆیان کردووە.

 

لێدوانی فەرمی: سالار تەحسین، بەرێوەبەری نشینگە و پاسپۆرتی حاجی ئۆمەران بە ئاڤای گوت، "لەماوەی شەش ڕۆژدا، 21 هەزار گەشتیار لە هەرێمی کوردستان و پارێزگاکانی عێراق سەردانی ئێرانیان کردووە و 11 هەزار گەشتیاریش لە ئێران و پارێزگاکانی ڕۆژهەڵاتی کوردستان هاتوونەتە هەرێمی کوردستان."

 

ئەمەش بزانە: 80 ئەفسەر و کارمەند بەشێوەی بەردەوام لەدەروازەی نێودەوڵەتیی حاجی ئۆمەران کار دەکەن، هیچ ڕسوماتێک لە گەشتیاران وەرناگیرێت و لەماوەی 10 خولەکدا مامەڵەکانیان تەواو دەکرێت.