مەسک ئیدارەی ترەمپی جێهێشت بەڵام دوو شتی دەمێنێتەوە

ئاڤا نیوز

 

سەرەڕای تێکچوونی پەیوەندییەکانی ترەمپ لەگەڵ ئیلۆن مەسک گەورە ملیاردێری جیهانی، بەڵام ترەمپ ڕێگە بە مانەوەی خزمەتگوزارییەکانی ستارلینک لە کۆشکی سپی دەدات.

 

چیرۆکی سەرەکی: هەفتەی ڕابردوو خاڵی گرنگی پەیوەندییەکانی هەر یەکە لە دۆناڵد ترەمپ، سەرۆکی ئەمریکا و هاوپەیمانە نزیکەکەی ئیلۆن مەسک، خاوەنی کۆمپانیاکانی تێسلا  و سپەیس ئێکس بوو کە کەوتنە خاڵێک کە هەر یەکەیان دەستیان بە هەڕەشەکردن بۆ سەر ئەوەی دیکە دەکرد و نهێنییەکانی یەکتریان ئاشکرا کرد بەمەش پەیوەندییەکەی نێوانیان تێکچووە. 

 

لێدوانی فەرمی: دۆناڵد ترەمپ، سەرۆکی ئەمریکا سەبارەت بە وەستاندنی خزمەتگوزارییەکانی ستارلیک لە کۆشکی سپی ڕایگەیاند، لەوانەیە شوێنی ئوتۆمبێلی تێسلا بگوازمەوە، بەڵام پێموانییە بەرامبەر بە ستارلینکدا ئەوە بکەین، ئەو خزمەتگوزارییەکی باشە.

 

لەلایەکی دیکەوە: پێشتر بەرپرسێکی باڵای کۆشکی سپی ئاماژەی بەوەکردبوو، کە ترەمپ بیر لە فرۆشتن یان بەخشینی ئۆتۆمبێلەکە دەکاتەوە.

 

قووڵتر: ئەم بڕیارەی ترەمپ لە کاتێکدایە، کە سەرەتای ئەم هەفتەیە ئاشكرای کرد، هیچ نیازێکی نییە پەیوەندییەکانی لەگەڵ مەسکدا چاکبکاتەوە