بەڕێوەبەری ئاوی هەولێر: ئاوی ئیفراز 2 نەوەستاوە

ئاڤا نیوز

بەڕێوەبەری ئاوی هەولێر جەختدەکاتەوە لەوەی ئاوی ئیفراز 2 کێشەی نییە، ڕاگیرانەکەی کاتییە و پەیوەندی بە چاککردنەوەی ساڵانەوە هەیە.

وێنە گەورەکە: ئاوی ئیفراز 2، ئاو بۆ زیاتر لە 10 گەڕەکی سنووری شەقامی 60 مەتری کوێستان، ئاری، عولەما، سەلاحەددین، نووسەران، حاکماوە، بەشێکی بەختیاری، کوردستان، کورانی مەخمور دابین دەکات، وەستانی پڕۆژەکە سەدان ماڵ بێ ئاو دەکات.

لێدوانی فەرمی: ڕابەر حوسێن، بەڕێوەبەری ئاوی هەولێر بە ئاڤای گوت، "ڕاگیرانی دابەشکردنی ئاو پەیوەندی بە چاککردنەوە هەیە، کە ساڵانە بەش بەش چاک دەکرێتەوە، بەڵام ئەو وەستانە دوو ڕۆژ زیاتر نەبووە ئەمشەو گەڕەکەکانی کوێستان و دەورووبەری چاککردنەوەیان تەواو دەبێت و ئاو بەسەر ماڵاندا دابەش دەکرێت."

ئەوەی پێویستە بیزانیت: ئیفراز 2 ساڵی 1983 دروستکراوە، بەڕێوەبەرایەتی گشتی ئاو کار لەسەر نۆژەنکردنەوەی دەکات، چونکە هەر 10 ساڵ جارێک سیستمەکە پێویستی بە گۆڕین هەیە.