بە گوژمەی 249 ملیۆن دینار شاڕێیەکی سەرەکی لە سلێمانی ڕووناک دەکرێتەوە

ئاڤا نیوز

پڕۆژەی دانانی تۆڕی ڕووناکی بۆ شاڕێی وڵوبە - تانجەڕۆ بە لەسەر بودجەی داهاتی کارەبای سلێمانی جێبەجێ کراوە، بەهۆی پڕۆژەکەوە شەقامەکە ڕووناکدەکرێتەوە.

چیرۆکی سەرەکی: له‌سه‌ر بودجه‌ی داهاتی کارەبای سلێمانی به‌ بڕی 249 ملیۆن دینار، بەسەرپەرشتی هەردوو بەشی ڕووناکی بەڕێوەبەرایەتیی گشتیی كارەبای سلێمانی و بەڕێوبەرایەتیی دابەشكردنی كارەبای سلێمانی - ڕۆژهەڵات، پڕۆژەی دانانی تۆڕی ڕووناكی بۆ شاڕێی وڵوبە - تانجەرۆ جێبەجێ کرا.

لێدوانی فەرمی: سیروان محەممەد، وتەبێژی کارەبای سلێمانی، بە ئاڤا میدیای ڕاگەیاند، پڕۆژەکە بریتییە لە ڕاکیشانی تۆڕی ڕووناکی بە درێژی 2.5 كیلۆمەتر، دانانی 80 ستوونی 12 مەتری و شەش ستوونی تاك، هاوکات 154 پێکهاتەی ڕووناکی 269 واتی بۆ دانراوە، لە چوارچێوەی پڕۆژەکە، بگۆڕی تۆڕی ڕووناکی نۆژەنکراوەتەوە.

زانیاریی زیاتر: وتەبێژی کارەبای سلێمانی، دەڵێت، پڕۆژەكە كارەكانی تەواو بووە، ئەوەی ماوە لیژنەکانمان پێداچوونەوەی کۆتایی بە کارەکانی دەکەن، لە ئایندەیەكی نزیكدا كاری پێدەكرێت.