داوای لە سێدارەدانی بکوژی منداڵەکەی کەرکووک دەکرێت

ئاڤا نیوز

کەسوکاری ئەو منداڵەی بەدەست چەکدارێکی حەشدی شەعبییەوە کوژرا، بانگەوازێک ئاراستەی سەرۆکوەزیران و دەسەڵاتی دادوەریی عێراق دەکەن و داوای لەسێدارەدانی بکوژەکە دەکەن.

چیرۆکی سەرەکی: شەوی دووشەممە 09-06-2025، لە گوندی برێجی سەر بە ناحییەی عەباسی لە پارێزگای کەرکووک، چەکدارێکی حەشدی شەعبی تەقەی لە چەند منداڵیک کردووە و لەئاکامدا منداڵێکی تەمەن 11ساڵ کوژراوە و چەکدارەکەش دەستبەسەر کراوە.

لێدوانی فەرمی: یەکێک لەکەسوکاری حەیدەر موهەننەد حەنتۆ (منداڵە کوژراوەکە)، بەناوی دانیشتووانی گوندەکانی ناحییەکە و خێڵی جبوور  داوایەک ئاراستەی محەممەد شیاع سوودانی، سەرۆکوەزیرانی عێراق و دەسەڵاتی دادوەری دەکات توندترین سزا بەسەر تاوانبارەکەدا بسەپێنن.

ئەو کەسە داوای لە سێدارەدانی تاوانبارەکە لەبەردەم ڕای گشتی دەکات، داواش دەکات ئەم جۆرە ڕەفتارانە لەداهاتوودا دووبارە نەبنەوە.