پارتی هه‌ڵوێستی خۆی دەگەیێنێتە لایەنە سیاسییەکان و نوێنەری وڵاتان ‌‎

 ئاڤا نیوز

ڕاگەیێنراوەکەی مەکتەبی سیاسی پارتی دیموكراتی كوردستان، لەبارەی بایكۆتی هەڵبژاردنی پەرلەمانی كوردستان، کاردانەوەی لە ئاستی نێوخۆ و عێراق و جیهانی بەدوای خۆیدا هێناوە، پارتی هه‌ڵوێست و بۆچوونی خۆی،‌ گه‌یانده‌ وڵاتانی جیهان.

لێدوانی فەرمی: هه‌ڵوێست و بۆچوونی پارتیمان له‌سه‌ر دواین په‌ره‌سه‌ندنه‌ سیاسییه‌كان و دواین به‌یاننامه‌ی مه‌كته‌بی سیاسی، به‌ هه‌ریه‌كه‌ له‌ كونسوڵی ئه‌مریكا، ڕوسیا ، چین، توركیا، میسر،  ئیمارات، سعودییە، فەڵەستین، ئوردون و قەتەر  گه‌یاند. هێمن هه‌ورامی، ئه‌ندامی مه‌كته‌بی سیاسی پارتی وای گوت. 

بۆچی گرنگە: سەردانی شاندی پارتی بۆ لای لایەنە سیاسی و کونسوڵەکانی هەرێمی کوردستان بۆ شیکردنەوەی دوایین بەیاننامەی مەکتەبی سیاسی پارتییە.

باکگراوند: ڕۆژی 18ـی ئادار، پارتی دیموکراتی کوردستان هەڵبژاردنی پەرلەمانی کوردستانی بایکۆت کرد و هەڕەشەی کشانەوەش لە پرۆسەی سیاسیی عێراق دەکات.